訪青年民建聯系列六: 親中陣營這個框框

訪青年民建聯系列六: 親中陣營這個框框

因為青年民建聯給我的感覺是去製造一個新形象, 儘管好像表面功夫, 卻不是想像中容易, 因為他們被一個「親中」的框框套著, 這個框框又往往意味著保皇和一些所謂「土共」的立場. 張國鈞意覺到它的存在和限制, 可是…

記者: 「之前一直在談別的黨派, 那麼左派陣營內部又怎麼樣呢?」

張: 「民建聯一直做自己野, 你話的左派陣營, 我地會稱為愛國陣營, 其實我地同自由黨無偈傾, 無合作. 曾憲梓系領導, 無理我們, 系統不一樣. 但佢地做既野會過賬過來, 而大家又會將民建聯同董建華等同, 好與壞過賬比給我地. 其實這是因為傳媒的二分法, 將人分成兩個陣營…. 最慘系傳媒係度畫, 香港市民唔識得分.」

記者: 「市民唔會分, 但曾憲梓同鄔維鄔呢人成人亂咁講野, 你地唔出黎澄清, 人實落哂你地數.」

張: 「根本系兩班人, 根本就無關係, 佢地講既係個人意見, 我地可以鬧佢咩, 佢個人意見, 唔關我地事, 佢又無話代民建聯講野, 但香港人會話佢地呢班人…我地可以澄清什麼?」

記者: 「呢個系公眾形象問題, 公眾搞唔清楚, 點解唔澄清, 李柱銘講完野, 好多時民建聯就出黎回應, 鄔維庸話香港人食狗餅大, 人落哂你地數, 你地都可以回應. 」

張: 「但曾憲梓系領導, 我地應該批評佢內容定係手法呢? 批評既話以後無偈傾, 我地會越來越孤立. 除非好嚴重, 先至澄清. 有時好無奈, 佢地講既野有時真係唔係呢年代講既話, 但唔通批評國家領導咩. 鄔維庸次話人食狗餅, 我唸無邊個聽到會覺得開心, 無人會鐘意聽, 之後佢都收番…」

面對著領導人, 既不能批評內容, 又不能批評手法, 為了團結親中陣營, 以免日後無計傾, 形象問題擱在一旁… 究竟是被框框所限, 還是這個框框反映了自己的本質而不願意脫下呢?

傳媒和市民的二分難道政黨就沒有責任嗎? 在重建民建聯的形象時, 又豈能換湯不換藥?

訪青年民建聯系列完 (重溫系列一, 二, 三, 四, 五)

(訪問: 阿藹, 阿祖, 領男; 執筆: 阿藹)